Langsung ke konten utama

Mimitian ti Jujur Eta Anu Penting


Udin, rumaja nu meni pinter. Manehna unggal ulangan sok anggeus nu kahiji, peunteunna ge meni aralus. Unggal waktu manehna diajar, lamun keur istirahat di sakola manehna sok mangkat ka perpustakaan. Eusi tasna ngan buku jeung catetan hungkul. Kusabab kagetolan jeung calakanna, si Udin sok narima jujuluk nyaeta murid panggetol sa sakola. Wegah, hoream, kedul? Sigana mah seuseurian ngadengena, manehna malahan teu wawuh istilah eta, sabab kabiasaannana nu kabalikan ti eta kabeh. Si Udin oge jalmana meni lungguh jeung kalem tapi lain eraan nya. Manehna mah lamun rek ngomong teh anu penting penting wae lain nu penting ngomong. Sanajan kitu, manehna angger wae boga loba batur. Si Udin ge jalmana someah, manehna sok nyempetkeun pikeun ngajaran babaturanana lamun teu ngarti ka nu tos diajarkeun ku guruna. Manehna lamun ngajarkeun teh bener bener ngajarkeun lain saukur mere jawaban hungkul tapi nepi ka cara carana sabab eta nu pentingna. Salian pinter jeung bageur, manehna oge jalmana beuki jujur. 


Di kelas, si Udin ngan juara hiji weh teu aya babaturanana nu bisa ngageser posisina salaku juara kelas. Loba oge babaturan kelasna nu kamotivasi pikeun bisa jiga Udin. Aya salah sahiji baturna namina Amel, manehna meni saingan jeung Udin, tapina si Udin teh nganggep manehna lain saingan. Lamun si Udin juara hiji, manehna juara dua kos kitu tah peringkat dina kelasna. Babaturan di kelasna leuwih milih diajar ku si Udin sabab manehna someah tur darehdeh henteu jiga si Amel nu adigung jeung koret padahal aya nu leuwih pinter ti manehna pohoeun mereun lamun aya langit di luhureun langit. Pokona mah manehna teh pikeuheulan di jero kelas. Sanajan kitu ge, di hareupan guru guru teh si Amel meni someah jeung handap asor sangkan dianggep manehna teh murid nu bageur. Aya hiji hal nu manehna sumputkeun ti babaturan jeung guru guru, nyaeta sabenerna teh manehna sok meunangkeun peunteun nu alus ku cara anu goreng, unggal aya ulangan manehna pasti nyontek ka google atawa manehna teh nempo catetan nu aya dina hpna. Cara manehna nyotek teh meni alus pisan, aman kitu pokona mah teu aya nu nyahoeun, rengkak atawa gesturna teh meni tos jago kacida. 


Kabiasaan Amel teh ngan dipikanyaho ku Udin hungkul sabab Udin pernah nempo sabari cicingeun yen Amel teh nyontek keur ulangan, malahan nepi guru guruna teu nyaho. Tapina Si Udin mah ngantepkeun wae, anu kamalinaan teh manehna ngalakukeun eta teu hiji atawa dua kali tapi tos babaraha kali. 


“Heleuhh mel, mel maneh teu bosen kos kitu wae, hayang mamatahan pikeun ngobah parilakuna tapi antepkeun ah nepi aya waktu nu tepat.” “Tapi urang yakin lila lila pasti eta hal bakal kabongkar, jadi antepkeun weh biar waktu nu ngagawean.” Ceuk Udin bari ngomong dina jero hate. 


Udin teh boga babaturan namina Cecep, manehna teh teu pati pinter tapina meni bageur, kakuranganana ngan saukur jalmana sok ngaduan, sabab eta manehna dijauhan wae ku babaturanana. Tapi kusabab manehna boga pasipatan kitu malahan si Udin resep ngomong, ulin, jeung babarengan lah pokona. Si Udin mah malahan resep ka jalma nu beuki jujur jeung teu adigung, teu paduli rek manehna bodo atawa sok ngaduan. 


Dina hiji poe nu cedeum, cahya panonpoe nu biasana di luhureun sirah katutupan ku awan awan nu meni loba tur agreung. Poe ieu teh mangrupa poe terakhir palaksanaan kagiatan belajar mengajar, sabab isukan mah pere jeung minggu hareup teh aya ulangan tengah semester. Ulanganna dilaksanakeun salila opat poe ngagunakeun kertas teu jiga nu baheula ngagunakeun hp, guru guruna teh ngobah pikeun ngurangan kacurangan. Poe ieu oge sabenerna mah ngan mere nyaho ka murid murid materi anu rek diasupkeun ka ulangan kos kisi kisina jeung oge jadwal ulanganna. Pas guruna nginfoan di kelas, si Udin mah kalakah bungah bari nyengir lamun ulanganna ngagunakeun kertas, beda tanggepanna jeung babaturanana utamana si Amel. Manehna hariwang ngadenge eta info sabab kudu muter sirahna pikeun nyusun cara nyontek nu lain. “Aduhh, kumaha nya ieu? Kunaon jadi pake kertas, ngesean wae sakola teh.” Ceuk Amel dina jero hate sabari rarayna baketut. 


Koncreng sora nu heuras ti bel tisada ku sakumna warga sakola. Ahirna sakola enggeusan, tuluy maranehna balik, saacan balik teh guruna ngingetan ulah poho istirahat jeung melajaran kisi kisi nu tos dibere. Si Udin teh piket heula saacan balik sabari nungguan hujan reda. “Cep, tungguan heula urang, rek piket sakeudeung.” Ceuk Udin. “Heueuh din.” Ceuk Cecep. Sapuluh menit diliwatan, ahirna si Udin enggeus piketna tuluy balik bareng jeung si Cecep. Maranehna teh balik naik bis, imahna oge saarah malahan bedana ngan 50 meter hungkul sigana. Sanajan caket tapi maranehna teh ampir teu pernah kapanggih sabab Udin mah tara kaluar imah, lamun rek ulin oge di sakola hungkul. Bari di jero bis teh, maranehna ngomongkeun babaturan, organisasi, tuluy ngabahas palajaran kitu weh obrolanna. Udin ge ngajakan Cecep jeung babaturanana sakelas pikeun diajar sasarengan isukan mumpung pere aya loba waktu. Cecep mah langsung ngaenyakeun wae, malahan meni sumanget rek diajaran ku si Udin. 


kongkorongok kongkorongok, tisada sora hayam ti tatangga, ricit ricit cit cit sora ti manuk manuk nu keur cicing di tatangkalan. Poe tos robah, teu jiga sababaraha poe ka tukang, ayeuna mah caang pisan teu aya awan anu nutupan. Ujug ujug tah hudang weh si Udin teh, manehna tuluy nempoan jam. 


“Hahh geus tabuh genep deui, duh gusti naha bisa kabeurangan, alarm tos disetel bari volumena pinuh, rarasan oge sarena mah awal awal.” Ceuk Udin. Indungna nempo ti kajauhan si Udin teh tos hudang tuluy nyamperan ka dinya. “Yeuh din, maneh kunaon hese pisan dihudangkeunna, geus babaraha kali digegero angger weh sare, sinarieun naha meni kebo jadi hudangna kabeurangan.” Ceuk indungna. “Teu nyaho oge mak kunaon eta.” Ceuk Udin. “Geus ayeuna mah maneh geura sholat, teras mandi sareng sarapan kos biasa, maneh oge boga rencana pikeun kapanggih sareng babaturan, muhun?” Ceuk indungna. 


Teu kudu waktu nu lila, si Udin tos siap deui mangkat, teu poho mere nyaho babaturanana lokasi kempelna di mana. Manehna oge ngabaran si Cecep pikeun nyamperkeun kahareup imahna. Maranehna mangkat ka tempat eta ngan leumpang hungkul sabab caket ti imahna. Tempat kempelna teh di salah sahiji taman kota, di dinya teh fasilitasna lengkap, aya mushola, tempat bacaan, saung nu alus jeung bersih, tuluy loba nu dagang oge di sakurilingna jadi gampang lah lamun laper mah. Maranehna mutuskeun diajarna di saung, ceunah ceuk si Cecep anginna karasa meni ngahiliwir jeung teu hareudang. Udin teh mere nyaho di grup kelas deui, sieunna paroho atuh da geus ditungguan tapi teu datang datang. Sababari nungguan manehna ngawangkong jeung Cecep tuluy mimiti diajar tiheula. 


“Isukan teh palajaranna Matematika jeung IPA nya?” Ceuk Cecep. “Enya cep, maneh rek urang ngajaran naon heula?” Ceuk Udin. “Matematika deuh, unggal palajaran eta peunteun urang teu pernah alus, atuh hese pisan din, euweuh nu asup ka otak.” Ceuk Cecep. “Matematika mah gampang atuh cep” Ceuk Udin bari seseurian. “Gampang ti mana din, nya enyalah eta mah maneh lain urang, dasar si pangpinterna.” Ceuk Cecep. “Aamiin tapi tenang weh cep aya urang ieu nu siap ngajaran maneh.” Ceuk Udin. Pas keur maranehna diajar, babaturan nu lain teh daratangan, tapi aya oge nu teu datang sabab aya nu alesanna gering, urusan kulawarga, jeung sajabana. Si Amel oge kaasup nu teu datang, sabenerna mah manehna teh wegah hungkul kapanggih babaturanana utamana si Udin. Si Udin ge nanyakeun ka manehna kunaon teu datang tapi kalakah dicicingan. Meni teu hayang ngabaur ari si Amel teh, da emang sipat manehna nu meni gengsian.


Panonpoe beuki ka gigir, manuk manuk hihiberan bari ngibing dina langit oren anu ngahiji jeung bungur tuluy cahyana nyinaran tempat eta, katempo endah kacida. Waktuna baralik, saatos rengse diajar sasarengan, maranehna jadi ngarti kana materi palajaran jeung siap ulangan tilu poe deui. 


“Hatur nuhun din tos mantuan urang, cara maneh ngajar teh meni ngeunah, asik jadina.” Ceuk babaturanana. “Sami sami euy, tong poho oge ngadua jeung baca baca deui di imah nya.” “mugia peunteun sakabehanana aralus tur ngamuaskeun.” Ceuk Udin. “Aamiin” Ceuk babaturanana. “Hayu urang balik, istirahat jaga kasehatan pikeun tilu poe kahareup.” Ceuk Udin. “Din, maneh rek meuli kadaharan heula teu? Urang mah hayang ah.” Ceuk Cecep. “Urang mah moal cep, can laper, engke weh.” Ceuk Udin. “Heueuh tapi tungguan nya.” Ceuk Cecep “Muhun.” Ceuk Udin. Sanggeus eta maranehna leumpang deui babarengan. 


Senen, poe nu ditungguan ku si Udin tapi diceuceub ku murid lain. Ulangan teh dimimitian tabuh 7.30 saenggeus ngalakukeun kabiasaan isuk. Saacan ulangan teh, tasna kudu diteundeun di hareupan kelas, diukna oge dumasar nomor absen, jeung teu meunang aya buku atawa catetan dina kolong meja. Lamun kanyahoan aya nu curang, teu aya toleransi deui langsung dinolkeun peunteunna. Pangawasanna ketat pisan, aya dua pangawas di hareup jeung di tukang. Ceunah ge pangawasna bakal ngurilingin kelas nempoan hiji hiji. Si Amel beuki hariwang nyaho kos kitu, tapi manehna boga sarebu cara pikeun nyontek, licik pisan pokona mah. Kabetulan si Amel jeung Udin diukna bareng sabab absenna pagigir gigir, teu aya interaksi jeung komunikasi. Pas ulangan tos dimimitian, kaayan kelas teh meni jempling. Si Amel bener bener teu mikiran heula jawabanna, langsung ngalakukeun weh aksina eta. Kusabab si Udin nu tos nyaho si Amel bakalan nyontek, manehna boga hiji ide nyaeta ngerjakeun heula soalna nu gancang jeung bener tah saenggeus eta nyiapkeun kertas eusina jawaban tapina nu salah tuluy diteundeun diluhureun kertas nu eusina jawaban nu bener. Manehna teh pura pura jiga nu keur ngerjaan sabari rarayna nu daria. Clik panonna Amel ka gigir nempo ka kertasna si Udin. 


“Hahaha, si Udin teu nyadar mereun nya urang nempoan ti tadi.” Ceuk Amel dina jero hatena. “Lamun kieu mah urang bisa saratus.” Ceuk Amel sabari yakin kacida. “Mel, jujur atuh, urang mah kasian ge lila lila.” Ceuk Udin. Nepi poe katilu, si Amel teh masih sok nyontekan si Udin, Udin oge masih ngalakukeun hal nu sarua jeung kamari kamari, niat manehna teh rek mere efek jera pikeun Amel sangkan moal ngalakukeun kabiasaan gorengna deui. Tapi nepi ka poe terakhir pangawas jeung babaturanana hiji oge teu aya nu nyahoeun. 


Ulangan tos anggeus, poe ieu mangrupa pamerean peunteun hasil ti ulangan tengah semester, para kolot ti murid kelas teh kempel muridna oge miluan tuluy nyokot hasilna ngaruntuy nyesuaikeun jeung nomor absen. Ahirna giliran si Amel, hiji hiji peunteuna ditunjukeun ku guruna tapi kolotna meni reuwas nempona sabab Amel teh unggal ulangan pasti hasilna aralus wae kunaon ayeuna meni beda pisan. Nu biasana saratus, salapan lima, salapan puluh ujug ujug ayeuna meni jore jadi opat puluh, tilu puluh, genep puluh. Si Amel ngan bisa ngalaweung, manehna ge meni reuwas atuh. Pas giliranna si Udin, katempoan rarayna nu bungah, sabab ampir saratus kabeh peunteunna. Saenggeus eta Amel teh nyamperkeun Udin nu keur ngawangkong jeung Cecep pikeun nanyaan peunteun ulanganna. Si Amel nempoan weh, tuluy manehna leuwih heran deui kunaon aralus kabeh peunteunna beda jeung nu dipiboga manehna. 


“Udin, ari maneh naha peunteunna aralus kabeh?” Ceuk Amel. “Sabab urang mah diajar mel, jadina bisa ngajawab soal soal ulangan sacara bener.” Ceuk Udin. Si Amel teh teu narima keneh kanyataan nu aya di hareupanana. “Eh, tapi jawaban urang teh sarua jeung nu maneh, naha hasilna beda kitu?” Ceuk Amel bari jujur. “Edunn, hartina maneh nyontek ka Udin keur ulangnanna nya?” Ceuk Cecep bari reuwas ngadenge eta. “Heueuh, kunaon? Sakahayang urang weh atuh.” Ceuk Amel. “Duh gusti, jadi salila ieu maneh oge meunangkeun peunteun nu alus hasil ti nyontek?” Ceuk Cecep. “Enya, puas maneh, geus ayeuna mah urang sabodo teuing ka maneh, mangkat kaditu geura, urang rek ngomong jeung si Udin.” Ceuk Amel. Teu lila ti eta, si Udin nunjukkeun dua kertas ulanganna. “Maneh nempo kertas nu ieu, mel?” Ceuk Udin. Tuluy Amel ngabandingkeun jeung kertas manehna, jawabanana teh sarua pisan. “Ieu teh kertas eusina jawaban nu salah, tah lamun ieu kertas nu jawabanna bener.” Ceuk Udin. “Hah jadina…” Ceuk si Amel nu beuki reuwas. “Urang teh ngahaja rek kitu sabab hayang nguji sabaraha jujur jeung usaha maneh lamun keur ngeusi soal ulangan.” Ceuk Udin. “Tapina maneh mah lieur saetik oge geus nempo ka urang, teu mikiran heula jawabanna, sanajan jawaban eta teh salah.” Ceuk Udin. “Uyuhan atuh, ari maneh teu era lain kos kitu wae?” Ceuk Udin. Si Amel ngan bisa cicing sabab teu bisa nembalan deui nanaon. 


Kusabab Cecep teh jalmana sok ngaduan jeung bebeja, kabar yen si Amel sok nyontek teh kasebar ka sakabeh warga sakola. Guru guru meni teu nyangka Amel ngalakukeun parilaku kos kitu ti lila. Babaturanana oge jadi beuki ngajauhan jeung sok ngomongkeun manehna di tukang, sabab maranehna teh keheuleun. Unggal poe Amel dipoyok ku babaturanana lamun keur leumpang. Udin teh karunya nempo Amel dikitukeun ku loba jalma. Ahirna manehna nyampeurkeun Amel pikeun mere sumanget. Amel teh ceurik tuluy menta hampura ka Udin kusabab kalakuanana salila ieu. 


“Mel, sabar nya, sumanget ulah putus asa!” Ceuk Udin. “Din, hampura urang nya, hanjakal teu jadi jalma nu jujur, urang ngarasa ayeuna meni ancur hirup teh, teu aya nu rek ngabaturan deui.” “Urang jangji moal kos kitu deui tuluy jadi jalma nu jujur jeung aya mangpaat pikeun sakurilingan.” Ceuk Amel. “Alhamdulillah maneh geus sadar jeung aya kahayang pikeun ngarobah kabiasaanna nya, tenang weh mel aya urang ieu nu moal ninggalkeun maneh.” Ceuk Udin bari seuri tur bagja ngadenge Amel. 


ngeduk cikur kedah mitutur, nyokél jahé kedah micarék. 

Jadi jelema mah kudu jujur jeung hampang birit méh loba nu mikaresep. 

 

Komentar

Posting Komentar

Postingan populer dari blog ini

Misteri dan Teka Teki Hutan Ajaib

Bab 1: Daun-daun yang Berbisik  Lila kecil yang sedang dibacakan kisah dari salah satu buku kuno oleh neneknya, 9 Juni 967  Hutan Ajaib selalu memberi isyarat kepada Lila, dengan kanopi hijau dan semak belukar yang menyembunyikan dunia penuh misteri dan keajaiban. Sebagai seorang anak, ia sering menempelkan wajahnya ke jendela, melihat pepohonan bergoyang dan mendengarkan bisikan yang terbawa angin, imajinasinya menjadi liar dengan kisah-kisah yang diceritakan oleh neneknya. Kini, sebagai seorang wanita muda, ketertarikan Lila pada hutan semakin kuat. Penduduk setempat berbicara dengan nada lirih tentang kejadian-kejadian aneh di kedalaman hutan purba itu - para pengelana yang menghilang, cahaya-cahaya hantu, dan harta karun yang dijaga oleh makhluk halus. Lila tidak bisa tidak tertarik pada daya tarik legenda-legenda ini, percikan rasa ingin tahu yang menyala di dalam dirinya. Suatu malam, saat api berkobar di perapian dan bayangan menari-nari di dinding, Lila mengamati sebua...

PENGALAMAN LOMBA CERDAS CERMAT MUSEUM 2023

Halo semuanya!  Saya Naufal Satria Gumilang yang merupakan pelajar Kota Bogor tepatnya siswa SMP Negeri 5 Bogor. Pada kesempatan kali ini saya akan berbagi pengalaman saat mengikuti kegiatan Olimpiade Sains Nasional (OSN) serta Lomba Cerdas Cermat Museum (LCCM) 2023-2024 (pembahasan utama). Sebelumnya, saya memang menggemari hal yang bernama kompetisi, terutama pada bidang akademik. Setiap ada kom petisi, saya sangat tertarik dan antusias untuk turut berpartisipasi, karena saya tahu banyak hal-hal baru yang bisa didapatkan di sana. Pertama, kita  mendapatkan pengalaman yang luar biasa, karena tidak semua orang dapat mengikuti kompetisi seperti OSN dan LCCM, hanya orang-orang yang ingin berjuang, bertekad kuat, pantang menyerah, serta yang sudah diberikan kepercayaan oleh guru bahwa mampu bersaing dan mewakili nama sekolah. Kedua, kita dapat membangun dan memperluas hubungan atau lingkup sosial, saat mengikuti sebuah kompetisi kita dapat menambah teman-teman baru yang tentunya ...